Главная » 2019 » Aprel » 25 » Manchester derbisida “Siti” “Yunayted”ni mag‘lub etib, APL yetakchisiga aylanib oldi
08:07
Manchester derbisida “Siti” “Yunayted”ni mag‘lub etib, APL yetakchisiga aylanib oldi
24-aprel, chorshanba kuni futbol bo‘yicha Angliya premyer ligasining 31-turi doirasida qoldirilgan 2 ta uchrashuv bo‘lib o‘tdi.

Kunning dastlabki o‘yinida Unai Emeri qo‘l ostidagi Londonning “Arsenal” klubi “Vulverhempton” maydoniga safar qildi.

Bellashuv davomida mezbon jamoa a’zolari Ruben Nevesh (28), Mett Doerti (37) va Diogu Jota (45+2) kiritgan to‘plarga “to‘pchilar” himoyachi Sokratis Papastatopulosning urgan yagona goli evaziga javob qaytardi (3:1).

Shu tariqa londonliklar mehmonda kechgan bahsda “bo‘rilar”ga mag‘lub bo‘ldi va muhim 3 ochkodan mahrum bo‘ldi (1:3).

Shu kuni Manchesterning ikki klubi “Yunayted” hamda “Siti” “Old Trafford” stadionida kuch sinashdi.

O‘yinning 54-daqiqasida “shaharliklar” hujumchisi Bernardu Silva hisobni ochgan bo‘lsa, 66-daqiqaga kelib zaxiradan maydonga tushgan Leroy Sane Rahim Sterling uzatmasini golga aylantirdi (2:0).

Shu tariqa Manchester derbisida “Siti”ning qo‘li baland keldi va navbatdagi 3 ochkoga ega bo‘ldi.

Mazkur g‘alabadan so‘ng Pep Gvardiola shogirdlarining ochkolari soni 89 taga yetdi va klub musobaqa jadvalida yetakchilikni o‘z qo‘liga oldi. 2-o‘rinda borayotgan “Liverpul”da hisobida esa 88 ochko mavjud.

APL

24-aprel, chorshanba

31-tur qoldirilgan o‘yin

“Vulverhempton”—“Arsenal” 3:1

Gollar: 1:0 — 28 Nevesh, 2:0 — 37 Doerti, 3:0 — 45+2 Jota, 3:1 — 80 Papastatopulos

“Manchester Yunayted”—“Manchester Siti” 0:2

Gollar: 0:1 — 0:1 — 54 Bernardu Silva, 0:2 — 66 Sane

“Manchester Yunayted”: De Xea, Darmian (Sanches, 83), Smolling, Lindelyof, Shou, Yang, Fred, Pereyra (Lukaku, 72), Pogba, Lingard (Marsial, 83), Reshford

“Manchester Siti”: Ederson, Uolker, Kompani, Lyaport, Zinchenko, Fernandinyo (Sane, 51), Gundo‘g‘on (Danilo, 89), Silva, Bernardu, Sterling, Aguero (Jezus, 89)

Ogohlantirishlar: Kompani (10), Pereyra (24), Zinchenko (26), Shou (89)
Категория: O'zbekiston Yangiliklari | Просмотров: 69 | Добавил: Admin | Рейтинг: 0.0/0
Всего комментариев: 0
avatar